Svar:
Føreliggande dokumentasjon av denne type behandling for tinnitus tilseier eit negativt svar. Det betyr ikkje at ikkje enkeltpersonar kan ha hatt nytte av behandlinga. I eit ”behandlingsmøte” er psykologisk støtte og ivaretaking ein viktig faktor, det gjeld for alle typar sjukdommar og plager, og er ikkje spesielt for tinnitus.
I tinnitusbehandling er stressreduksjon ei viktig utfordring. Ulike typar behandling som reduserer stresset for den enkelte kan derfor bidra til mindre tinnitusplager, kortvarig eller langvarig.
Tinnitus er ein del av symptombildet ved Menières sjukdom, men kan bli vedvarande sjølv om anfalla med svimmelheit avtek. Kvifor går du ikkje til fastlegen din og får tilvising til ØNH-spesialist i eller utafor sjukehusavdeling, og ber om tinnitusrådgiving ut frå din situasjon, og informasjon om aktuelle behandlingstilbod, til dømes meistringskurs?
Eg ønskjer deg lykke til!
Anne Britt N Losnegård