Samtidig med konstatering for 1-2 månader sidan, av tendens til flimmerhjerte (har gått på tilvenning til Marevan, men fått lov til å slutte fordi flimmeret var så lite) og høgt blodtrykk (Lodoz og Diovan), registrerer eg vedvarande sus i hovudet. Susen er nok heller ikkje sterk, for den forstyrrer ikkje søvn, og når eg er i arbeid gløymer eg den i lange periodar.
Men nå lurer eg på om ein vane eg har kan vere årsaken så eg må slutte med den:
I helger og fritid likar eg å høyre radio og eg har mykje fysisk aktivitet (hagearbeid og liknande). Eg kosar meg best med høyrselvern med radio i når eg arbeider, og lytting kombinert med fysisk aktivitet gjer også at eg får med meg det eg høyrer på. Set eller legg eg meg ned for å høyre, forsvinn konsentrasjonen. Eg har ikkje lydstyrken høgare enn at eg kan oppfatte det som blir sagt. Men nå lurer eg på om dette kan vere årsaken til suset og at eg derfor må slutte med det?
Kan dette ha noko med saka å gjere: Eg fekk kontrollert høyrselen min for nokre år sidan fordi eg opplevde ofte at eg hadde problem med å oppfatte kva folk sa på telefon. Undersøkinga konkluderte med at høyrselen var i orden. Eg har fortsatt dette problemet, og skyldar det på dårlege telefonar, det er ikkje alle eg snakkar med som er problem.
Men eg trur nok øyrene mine også er delaktige i problemet.