Temaet på årets kampanje er tinnitus. Kva er dette, korleis kan du meistre den betre, kva tilbod finst lokalt og nasjonalt? Dette var informasjon som HLF Molde ønskte å formidle gjennom kampanjen på Fylkeshuset i Molde.
Å leve med tinnitus kan opplevast ganske så einsamt, og det kan vere vanskeleg for andre å forstå korleis det er å leve med lyden. Tinnitus kan gje plagar som søvnvanskar, utmatting, sosial tilbaketrekking og depresjon. I verste fal lkan det føre til sjukefråvær og fråvall i arbeidslivet.
I ei fersk medlemsundersøking gjort av Hørselshemmedes Landsforbund (HLF), seier kun ein av ti at dei opplever at fastlegen deira har kunnskap om tinnitus. Det er alarmerande tal ettersom vi veit at tidleg hjelp er viktig for å få eit betre liv. Mange får beskjed frå legen om at dette må du berre leve med, utan å få vite korleis og kvar du kan få hjelp.
Det finst hjelp å få, og du er ikkje aleine. Å møte andre som har tinnitus, og å få meir kunnskap og meistringssverktøy, kan gi ein ny og betre kvardag. Det er behov for meir kunnskap om denne plaga, både hos legar, politikarar og folk flest.
Kristin Sørheim
Det var mange som var innom standen til HLF og fekk informasjon om behovet for tilrettelegging av valkampen spesielt og ulike arragangement generelt.
Toril Hovdenak og Monica Molvær
Siv Katrin Ulla
Viktig tiltak, meinte fleire av dei som var innom. Standen fekk besøk av fylkeskommunedirektør, fylkesordførar og fylkesvaraordførar, som fekk orientering om kor viktig at valkampen og lokalsamfunna er barrierefrie og tilrettelagt. I tillegg kom andre fylkespolitikarar og mange andre tilsette på fylkeshuset innom. Cirka 30 stk fekk testa hørsel og ein samtale med likepersonar i etterkant av testen.
